Клирингілік қатысушы мәртебесін алу талаптары мен тәртібі, қажетті құжаттар туралы ақпарат
Өз елінің заңнамасы қаржы құралдарымен мәміле жасауға мүмкіндік беретін, сондай-ақ KASE Клиринг орталығының талаптарына сәйкес келетін заңды тұлға клирингілік қатысушы бола алады.
Клирингтік қатысушы мәртебесі берілген кезде қолданылатын санаттар айқындалады:
Қамтамасыз етуінің түріне қарай клирингілік қатысушыға мынадай санат берілуі мүмкін:
Қамтамасыз етусіз
Клирингілік қатысушы белгілі бір биржалық нарықтағы мәмілелер бойынша міндеттемелердің орындалуын қамтамасыз етуді енгізбей сауда-саттыққа қатысады
Бұл санат кез келген биржалық нарықта тек ҚР ҰБ-ға беріледі, сондай-ақ қор нарығындағы Tabadul Hub шетелдік қатысушыларына тағайындайды
Ішінара қамтамасыз етумен
Клирингілік қатысушы мәмілелер және сауда-саттықтағы белсенді өтінімдер бойынша міндеттемелерді орындау үшін Клиринг ережелеріне сәйкес қалыптастырылатын жеткілікті қамтамасыз ету болған жағдайда ғана қаржы құралдарымен сауда-саттыққа қатысады
Толық қамтамасыз етумен
Клирингілік қатысушы міндеттемелер туындаған қаржы құралдарымен жасалған мәмілелер мен белсенді өтінімдер бойынша осы міндеттемелерді толық қамтамасыз еткен жағдайда ғана сауда-саттыққа қатысады
Талаптарға сәйкестігі
АХҚО шетелдік қатысушыларын қоса алғанда, клирингілік қатысушы болуға кандидаттар Клирингілік қатысушылар туралы қағиданың талаптарына сәйкес келуге тиіс
Клирингілік қатысушы болуға кандидаттың өтінішін қарау
Клирингілік қатысушы мәртебесін алу үшін кандидат тиісті мәртебе беру туралы өтініш, санат беру туралы өтініш, құпия ақпаратты алуға келісім, сондай-ақ Клирингілік қатысушылар туралы қағидада көзделген құжаттар жиынтығын тапсырады. Егер KASE мүшесі мәртебесін берген сәттен 1 айдан аспайтын уақыт өтсе, кандидат Қағиданың 2-қосымшасын немесе 6-қосымшасын, 4-қосымшасын ғана ұсына алады.
Мәртебе беру туралы шешім қабылдау
Ұсынылған құжаттар жиынтығын қарау және талдау нәтижесі бойынша KASE клиринг орталығы клирингілік қатысушы мәртебесін беру немесе беруден бас тарту туралы шешім қабылдайды. Теріс шешім қабылданған жағдайда, клирингілік қатысушы болуға кандидат үш ай өткеннен кейін клирингілік қатысушы мәртебесін беру туралы өтінішті қайтадан беруге құқылы.
Кепілдік жарнасын төлеу
Кандидат қабылданған шешім туралы хабарламаны алған күннен кейінгі 10 (он) жұмыс күні ішінде клирингілік кепілдік қорына кепілдік жарна енгізуге міндетті. Кепілдік жарнасы белгіленген мерзімде енгізілмеген (толық көлемде енгізілмеген) жағдайда, KASE Клиринг орталығы шешімінің күшін жояды.
KASE клиринг орталығы клирингілік қатысушыларға тұрақты түрде мониторинг жүргізеді.
Мониторинг клирингілік қатысушының қаржылық жай-күйін талдауды, клирингілік қатысушының қаржы құралдарымен жасалған мәмілелер, кепілдік жарнасын төлеу (қосымша төлеу), қамтамасыз ету, клирингілік алымдарды төлеу, айыппұл/тұрақсыздық айыбын төлеу жөніндегі міндеттемесін орындамау немесе тиісінше орындамау фактілерінің болуын талдауды, меншікті капиталдың жеткіліктілігі мен өтімділігі бойынша нормативтердің сәйкестігін талдауды қамтиды.
Клирингілік қатысушы корпоративтік іс-әрекеттер мен оқиғалар туралы ақпаратты, қаржылық есептілікті және Клирингілік қатысушылар туралы қағиданың 9-қосымшасында, 10-қосымшасында көзделген өзге де құжаттарды мерзімді түрде тапсырып тұруға міндетті.